23 jun 2011

ABERTAS AO PÚBLICO AS PISCINAS MUNICIPAIS

Esta mañá, ás doce do mediodía, abríanse ao público as portas das piscinas municipais para a tempada de verán. Este servizo funcionará no seu horario habitual de todos os veráns, de doce do mediodía a oito do serán ininterrompidamente.

Dende hoxe e ata o domingo, a entrada a estas instalacións municipais será gratuíta. A partir do luns os que queiran utilizar este servizo deberán aboar a entrada correspondente que se mantén como en anos anteriores: os maiores de 15 anos pagarán 1,50€, de 8 a 15 anos aboarán 1€ e os menores de 8 anos terán a entrada gratuíta.

Tamén se poden solicitar bonos por toda a tempada con prezos de 30€ para os maiores de 15 anos e de 21€ para os menores.

No hay comentarios:

Publicar un comentario