9 may 2016

A PESAR DAS MALAS CONDICIÓNS CLIMATOLÓXICAS, NOVO ÉXITO DA MOSTRA DO ACEITE

    Quiroga acolleu onte a XVI Mostra do Aceite, evento que conta co recoñecemento da Xunta de Galicia como Festa de Interese Turístico de Galicia; e que unha vez máis a pesar das condicións climatolóxicas foi un éxito de público e de vendas.

Ás once e media da maña puxose en funcionamento o Muiño de Bendilló, para comezar coa demostración e elaboración tradicional do aceite. Todos os visitantes da mostra acuden a ver a demostración para saber cal era o proceso da elaboración do aceite artesanal de Quiroga. Esta demostración chama a atención de visitantes ano tras ano, que se sorprenden por un proceso que non viran nunca.

Ás doce do mediodía cataronse os seis aceites participantes na mostra no interior da capela das Farrapas. Estes seis aceites xa foron obxeto dunha precata anterior e tamén se lles realizaron as probas especificadas pola normativa europea para este tipo de productos, nun laboratorio especializado. O resultado da cata foi unha vez máis de aceite excelente.

A unha tiña lugar unha emotiva homenaxe póstuma a D. Guillermo Nogueira Veloso, co descubrimento por parte da súa viuva e o seu fillo dunha placa colocada nun monolito ao lado do muiño. Guillermo, propietario do muíño das Farrapas no que se realiza a demostración da elaboración artesanal do aceite o día da mostra, foi un dos impulsores da recuperación da producción do aceite  en Quiroga e tamén en toda Galicia. Xunto cos outros colleiteiros, colaborou co  Concello de Quiroga, impulsor e patrocinador do evento,  na organización deste certame dende a súa primeira edición, cando aínda  a colleita de aceite en Quiroga era casi anecdótica.

Durante toda a xornada no recinto feiral estiveron a venda aceite e productos típicos. Os seis aceites que concurriron a Mostra foron os de Guillermo Nogueira Veloso, Pedro Soto Losada, Jesús Bao Mondelo, Jesús Arias Rodríguez, José Manuel López Maseda e Manuel Mondelo Rodríguez.

Todos eles coincidiron en que a colleita deste ano foi boa tanto en calidade como en cantidade e tamén moi boas foron as vendas acadadas nesta mostra.

Aínda que non hai datos oficiais, nestes momentos a producción de aceite de Quiroga pode rondar os 40.000 litros, dos que aproximadamente 5.000 son elaborados para a súa venda comercial, amparados pola marca Aceite de Quiroga, creada no ano 2010 polo concello para loitar contra a fraude e para a xudar a crear unha imaxen de calidade.

A música tradicional non faltou neste encontro, xa que actuaron as agrupacións locias: Grupo de danzas Arume da Queiruga, Grupo de Gaitas O Recanto, banda de gaitas San Martiño e o grupo Os Palletas.